Om susupo bingung juga, badengar carita soal pagawe yang so jadi pajabat kon ada tasangkot deng masalah hukum, tapi sampe skarang deng enteng masih tatap jadi pajabat. Yah, memang ada juga yang blum kana putusan yang so tatap, tapi mustinya kan supaya ini pamarentahan bajalan bagus, ini orang-orang yang so tasangkot hokum, mustinya dikase brenti sementara dulu.
Kan baleen juga, ada tasangkot hukum, baru tatap jadi pajabat kon parsis te ada depe salah. Supaya ini pamarentah pe muka ada wibawa, mustinya ini orang-orang yang so ada depe masalah, kandati blum kana putusan tatap, tapi so boleh dikase istirahat dulu, ganti deng yang laen yang blum ada masalah sama skali. Karna kalu te dikase istirahat, om susupo pikir so talalo hebat itu pagawe, sampe te takaluar dari depe jabatan. Apalagi om susupo dengar-dengar, sampe so ada kejaksaan pe saran sama ini inspektorat, supaya babikin surat sama bupati soal pajabat yang ada kasus hukum. Kalu te dikase brenti sementara, om susupo jadi curiga juga, jang-jang te ada yang siap buat mo ganti sementara, atau jang-jang te ada yang lebeh bae lagi, dari itu yang ada depe masalah. Tapi so itu, depe persoalan ini inspektorat barani bakase saran bagitu sama depe pimpinan atau te barani. Ini pamarentah kan mustinya ta isi deng orang-orang yang te ada masalah, supaya rakyat parcaya butul-butul. Karna kalu yang muncul yang orang so tau ada masalah, macam waktu musrenbang dulu, tantu garaap depe model. Masa yang te beres kon ada tasangkot deng kasus, baru mo pigi bakase tau sama rakyat tentang yang bae-bae. Memang soal yang bae-bae, te paduli dari sapa depe orang, tapi kan kalu bisa dipilih juga depe orang, supaya jang yang meragukan yang ada datang bacarita sama rakyat.
Om susupo saja malu kalu baliat orang yang ada tasangkot deng kasus, baru kasana-kamari kon balenggang kangkong, parsis orang te tau, kalu dia ada depe kasus yang blum tuntas. Tagal itu, om susupo juga baharap ini inspektorat mampu bakase bae ini mukanya pamarentahan, supaya yang so ada kasus, lebeh bae diparkir dulu. Kalu memang te terbukti kon dikase bebasnya hakim, baru dikase normal ulang depe jabatan, atau taro di tampat laen yang depe status sama. Cuma memang kalu so te ada yang lebeh bae, yah pakemo saja itu yang ada tasangkot kasus…**
Kan baleen juga, ada tasangkot hukum, baru tatap jadi pajabat kon parsis te ada depe salah. Supaya ini pamarentah pe muka ada wibawa, mustinya ini orang-orang yang so ada depe masalah, kandati blum kana putusan tatap, tapi so boleh dikase istirahat dulu, ganti deng yang laen yang blum ada masalah sama skali. Karna kalu te dikase istirahat, om susupo pikir so talalo hebat itu pagawe, sampe te takaluar dari depe jabatan. Apalagi om susupo dengar-dengar, sampe so ada kejaksaan pe saran sama ini inspektorat, supaya babikin surat sama bupati soal pajabat yang ada kasus hukum. Kalu te dikase brenti sementara, om susupo jadi curiga juga, jang-jang te ada yang siap buat mo ganti sementara, atau jang-jang te ada yang lebeh bae lagi, dari itu yang ada depe masalah. Tapi so itu, depe persoalan ini inspektorat barani bakase saran bagitu sama depe pimpinan atau te barani. Ini pamarentah kan mustinya ta isi deng orang-orang yang te ada masalah, supaya rakyat parcaya butul-butul. Karna kalu yang muncul yang orang so tau ada masalah, macam waktu musrenbang dulu, tantu garaap depe model. Masa yang te beres kon ada tasangkot deng kasus, baru mo pigi bakase tau sama rakyat tentang yang bae-bae. Memang soal yang bae-bae, te paduli dari sapa depe orang, tapi kan kalu bisa dipilih juga depe orang, supaya jang yang meragukan yang ada datang bacarita sama rakyat.
Om susupo saja malu kalu baliat orang yang ada tasangkot deng kasus, baru kasana-kamari kon balenggang kangkong, parsis orang te tau, kalu dia ada depe kasus yang blum tuntas. Tagal itu, om susupo juga baharap ini inspektorat mampu bakase bae ini mukanya pamarentahan, supaya yang so ada kasus, lebeh bae diparkir dulu. Kalu memang te terbukti kon dikase bebasnya hakim, baru dikase normal ulang depe jabatan, atau taro di tampat laen yang depe status sama. Cuma memang kalu so te ada yang lebeh bae, yah pakemo saja itu yang ada tasangkot kasus…**
Kalu Tasangkot Hukum
![Kalu Tasangkot Hukum]()
Reviewed by hRc
on
18.51.00
Rating:
Tidak ada komentar:
Terima Kasih sudah berkunjung..