Om susupo juga bingung kalu ada pajabat yang babilang banyak pagawe yang maluluk alias pamalas. Kan mustinya tugasnya pajabat atau atasannya pagawe, babikin supaya depe pagawe jadi rajin. Karna kalu atasan, berarti ada depe kamampuan buat bakase tindakan karaas sama yang pamalas, jadi te bisa kalu Cuma dibilang kasana-kamari, baru te ada tindakan. Om susupo liat-liat salama ini, macam blum ada pagawe yang pamalas atau kasana kamari jam karja, kon ditangkapnya Pol PP. Padahal tugasnya Pol PP termasuk ba awasi itu pagawe. Kon supaya itu Pol PP barani, musti bosnya pagawe yang bakase tugas.
Karna hele om susupo saja biasa heran, ada pagawe yang kasana-kamari macam te jelas depe karja apa. Kalu memang patugas lapangan, atau memang tukang urus surat-surat, tantu lebeh banyak dilapangan, tapi kalu yang bukan batugas dilapangan, kon banyak kasana-kamari, tantu so parlu dikase tindakan atau diurusnya Pol PP. Barangkali karna te ada sanksi, sampe-sampe ada pagawe yang om susupo dengar juga so bakarja jadi tukang cari barita di koran.
Tapi soal ini pagawe pe karajinan, memang susah mo dikase tertib, kalu bos-bosnya pagawe yang te ada depe niat butul-butul mo bakase rajin depe pagawe. Karna hele itu mesin absen yang depe harga minta ampun saja, rupa cuma dibili-bili, kon akhirnya so te dipake skarang ini. Padahal om susupo dengar depe proyek sampe milyar, tapi depe depe alat te bisa dipake. Jang heran kalu akhirnya banyak pagawe yang datang sambarangan waktu, mo suka pagi, mo suka sadikit siang, atau nanti tengah hari, te ada yang tau.
Mustinya, kalu memang serius mo babikin ini pagawe supaya te maluluk, kase disiplin dari dorang pe jam datang deng jam pulang, kon kase jelas depe tugas samua, supaya jang ada yang hanya pangku-pangku kaki sambil menghayal kapan depe tanggal merah. Mustinya kan ini pakarjaannya pamarentah banyak skali, jadi bagi abis itu pakarjaan sama samua pagawe, kon jang ada lagi pagawe yang rupa te ada depe karja. Baru kalu om susupo liat-liat, mustinya te usah dulu batarima pagawe baru. Karna hele pagawe yang skarang ini so bakase abis lebeh stengahnya APBD, baru mo batambah lagi pagawe. Lebeh bae dikase rajin pagawe yang ada, supaya itu pakarjaan-pakarjaan bisa tabikin samua, kon kalu parlu te usah banyak yang dikarja lembur, supaya te batambah doi lembur lagi. Cuma so itu memang, samua terserah sama bos-bosnya pagawe. Kalu cuma mo dimengeluh akan, biar sampe kapan tatap banyak pagawe yang maluluk. Mustinya kalu memang banyak yang maluluk, te usah dimengeluh akan, langsung kase hukuman, supaya dorang tau kalu karja itu musti rajin, karna buat babayar gaji kan pake doinya rakyat …**
Karna hele om susupo saja biasa heran, ada pagawe yang kasana-kamari macam te jelas depe karja apa. Kalu memang patugas lapangan, atau memang tukang urus surat-surat, tantu lebeh banyak dilapangan, tapi kalu yang bukan batugas dilapangan, kon banyak kasana-kamari, tantu so parlu dikase tindakan atau diurusnya Pol PP. Barangkali karna te ada sanksi, sampe-sampe ada pagawe yang om susupo dengar juga so bakarja jadi tukang cari barita di koran.
Tapi soal ini pagawe pe karajinan, memang susah mo dikase tertib, kalu bos-bosnya pagawe yang te ada depe niat butul-butul mo bakase rajin depe pagawe. Karna hele itu mesin absen yang depe harga minta ampun saja, rupa cuma dibili-bili, kon akhirnya so te dipake skarang ini. Padahal om susupo dengar depe proyek sampe milyar, tapi depe depe alat te bisa dipake. Jang heran kalu akhirnya banyak pagawe yang datang sambarangan waktu, mo suka pagi, mo suka sadikit siang, atau nanti tengah hari, te ada yang tau.
Mustinya, kalu memang serius mo babikin ini pagawe supaya te maluluk, kase disiplin dari dorang pe jam datang deng jam pulang, kon kase jelas depe tugas samua, supaya jang ada yang hanya pangku-pangku kaki sambil menghayal kapan depe tanggal merah. Mustinya kan ini pakarjaannya pamarentah banyak skali, jadi bagi abis itu pakarjaan sama samua pagawe, kon jang ada lagi pagawe yang rupa te ada depe karja. Baru kalu om susupo liat-liat, mustinya te usah dulu batarima pagawe baru. Karna hele pagawe yang skarang ini so bakase abis lebeh stengahnya APBD, baru mo batambah lagi pagawe. Lebeh bae dikase rajin pagawe yang ada, supaya itu pakarjaan-pakarjaan bisa tabikin samua, kon kalu parlu te usah banyak yang dikarja lembur, supaya te batambah doi lembur lagi. Cuma so itu memang, samua terserah sama bos-bosnya pagawe. Kalu cuma mo dimengeluh akan, biar sampe kapan tatap banyak pagawe yang maluluk. Mustinya kalu memang banyak yang maluluk, te usah dimengeluh akan, langsung kase hukuman, supaya dorang tau kalu karja itu musti rajin, karna buat babayar gaji kan pake doinya rakyat …**
Maluluk Tapi Dikase Biar…
![Maluluk Tapi Dikase Biar…]()
Reviewed by hRc
on
18.50.00
Rating:
Tidak ada komentar:
Terima Kasih sudah berkunjung..