Ini perasaan tersinggung memang luar biasa depe efek. Ada yang biasa spontan mangamuk, apalagi kalu depe badan basar. Ada juga yang barangkali karna kata-kata warga begara yang bae, jadi bapilih jalur laen, macam pake hukum. Yah, ada juga yang pake bakirim depe orang yang badan ba otot.
Cuma kadang-kadang, om susupo liat ini perasaan tersinggung memang garaap depe datang. Biasa, kalu so takana sama diri, ebee ini rasa tersinggung langsung mandidih, manyala, kon rupa mo suka kase tumpah sama orang laen. Cuma kalu yang kana singgung soal laen, kandati ada hubungan, biasa dianggap biasa-biasa saja. Padahal mustinya depe tingkat ketersinggungan lebeh tinggi sama soal laen itu.
Macam soal ada anak buah yang mo coba baselundupkan barangnya orang banyak, atau ada anak buah yang takana proses karna bacuri doinya orang banyak, atau kalu ada anak buah yang terpaksa bacigi, karna te mampu bakase insyaf orang yang barusak milik umum, ini perasaan tersinggung rupa te muncul. Padahal om susupo rasa, kalu so ini institusi yang ada takore, ada anak buah yang bikin malu bos karna tatangkap mo baselundupkan barangnya rakyat , ada yang so dihukumnya hakim karna bacuri doinya rakyat, so pasti ini bikin malu skali. Tapi memang so bagitu, buat apa juga mo malu, kalu yang takana cuma nama lembaga, bukan nama pribadi.
So ini yang om susupo anggap depe beda, antara yang tersinggung itu kana sandiri, atau kana rame-rame macam depe institusi.
Cuma om susupo pikir, ini hidup yang so dijaman pe canggih skali, jadi tarasa suak kalu masih baku hadap deng orang yang pang tersinggung. Om susupo saja biasa badengar, ada yang bapandang enteng om susupo, ba anggap om susupo ke motor kaburek, om susupo pe tampat mangael te sadaap diliatnya mata, tapi karna om susupo pikir ini memang so depe jaman, kalu orang baku-baku bilang deng enteng, yah tarimamo…Kalu mo pake tersinggung, ebee sudahjo dulu…
Cuma memang, kalu masih ada yang babagitu itu depe model, yah anggap saja itu barangkali bagian dari keajaiban dunia, cuma so te tau, keajaiban nomor barapa ee ??**
Cuma kadang-kadang, om susupo liat ini perasaan tersinggung memang garaap depe datang. Biasa, kalu so takana sama diri, ebee ini rasa tersinggung langsung mandidih, manyala, kon rupa mo suka kase tumpah sama orang laen. Cuma kalu yang kana singgung soal laen, kandati ada hubungan, biasa dianggap biasa-biasa saja. Padahal mustinya depe tingkat ketersinggungan lebeh tinggi sama soal laen itu.
Macam soal ada anak buah yang mo coba baselundupkan barangnya orang banyak, atau ada anak buah yang takana proses karna bacuri doinya orang banyak, atau kalu ada anak buah yang terpaksa bacigi, karna te mampu bakase insyaf orang yang barusak milik umum, ini perasaan tersinggung rupa te muncul. Padahal om susupo rasa, kalu so ini institusi yang ada takore, ada anak buah yang bikin malu bos karna tatangkap mo baselundupkan barangnya rakyat , ada yang so dihukumnya hakim karna bacuri doinya rakyat, so pasti ini bikin malu skali. Tapi memang so bagitu, buat apa juga mo malu, kalu yang takana cuma nama lembaga, bukan nama pribadi.
So ini yang om susupo anggap depe beda, antara yang tersinggung itu kana sandiri, atau kana rame-rame macam depe institusi.
Cuma om susupo pikir, ini hidup yang so dijaman pe canggih skali, jadi tarasa suak kalu masih baku hadap deng orang yang pang tersinggung. Om susupo saja biasa badengar, ada yang bapandang enteng om susupo, ba anggap om susupo ke motor kaburek, om susupo pe tampat mangael te sadaap diliatnya mata, tapi karna om susupo pikir ini memang so depe jaman, kalu orang baku-baku bilang deng enteng, yah tarimamo…Kalu mo pake tersinggung, ebee sudahjo dulu…
Cuma memang, kalu masih ada yang babagitu itu depe model, yah anggap saja itu barangkali bagian dari keajaiban dunia, cuma so te tau, keajaiban nomor barapa ee ??**
Tersinggung…
![Tersinggung…]()
Reviewed by hRc
on
18.51.00
Rating:
Tidak ada komentar:
Terima Kasih sudah berkunjung..