Selama ini, om susupo biasa badengar soal virus HIV yang babikin orang jadi kana Aids. So virus itu yang dianggap bikin takut, karna orang-orang bilang, depe obat blum ada. Tagal itu, ada banyak macam organisasi yang muncul, kon depe tujuan buat ba pele supaya itu virus yang babikin Aids te kasana-kamari kon bikin banyak yang kana panyakit yang bisa bakase maninggal orang deng cara plan-plan.
Cuma kalu om susupo piki-pikir, ada virus lain yang lebeh bikin mandarita, kon tagal itu parlu dipele kuat-kuat, kalu parlu dihantam supaya te bikin banyak orang yang tajangkit. Virus yang om susupo anggap lebeh bahaya itu korupsi. Karna bukan cuma babikin sakit deng mandarita satu orang, tapi bikin mandarita banyak orang.
Memang biasa ada yang sanang karna korupsi, tapi yang jadi susah lebeh banyak lagi. Tagal itu, ini virus korupsi yang mustinya dibage butul-butul, supaya jang bajangkit kasana kamari, kon bikin tatambah banyak yang susah.
Supaya ini virus korupsi te bajangkit kasana kamari, memang parlu diurus sampe tuntas. Macam pajabat yang kira-kira so takana virus korupsi, jang cuma di urusnya jaksa deng pengadilan. Kalu memang so divonis, lebeh bae langsung dikase brenti saja dari depe jabatan, supaya jang babikin orang laen baku ikot. So itu, badengar kalu di Bangkep so ada rapat babahas soal pagawe negeri yang ada takana kasus korupsi, termasuk soal depe sanksi sebagai pagawe, om susupo pikir ini luar biasa. Om susupo anggap, apa yang dibikinnya Bangkep, tantu parlu didukung. Memang pajabat yang so takana kasus korupsi, so musti diurus, supaya jang sampe itu panyakit atau virus korupsi, te bajangkit sambarangan sama orang-orang laen.
Apalagi ini virus korupsi kan biasa bakana sama pagawe yang ada depe jabatan penting, atau bapegang posisi yang bagus kon ada depe doi, atau orang-orang biasa babilang posisi basah. Kalu yang ada babikin korupsi kon so divonis, baru dikase biar bapegang jabatan, tantu deng gampang bakase jangkit depe kabiasaan sama yang laen. So itu, om susupo pikir, depe sumber panyakit itu musti dikarbas, supaya jang sampe bakase kana sama yang laen. Cuma mudah-mudahan juga, kalu ba karbas itu virus korupsi, jang cuma stengah-stengah, kon jang baku pilih. Sapa saja, kalu memang so tajangkit virus korupsi, lebeh bae dikarbas abis, supaya yang laen te mo bapikir ba ikot korupsi.**
Cuma kalu om susupo piki-pikir, ada virus lain yang lebeh bikin mandarita, kon tagal itu parlu dipele kuat-kuat, kalu parlu dihantam supaya te bikin banyak orang yang tajangkit. Virus yang om susupo anggap lebeh bahaya itu korupsi. Karna bukan cuma babikin sakit deng mandarita satu orang, tapi bikin mandarita banyak orang.
Memang biasa ada yang sanang karna korupsi, tapi yang jadi susah lebeh banyak lagi. Tagal itu, ini virus korupsi yang mustinya dibage butul-butul, supaya jang bajangkit kasana kamari, kon bikin tatambah banyak yang susah.
Supaya ini virus korupsi te bajangkit kasana kamari, memang parlu diurus sampe tuntas. Macam pajabat yang kira-kira so takana virus korupsi, jang cuma di urusnya jaksa deng pengadilan. Kalu memang so divonis, lebeh bae langsung dikase brenti saja dari depe jabatan, supaya jang babikin orang laen baku ikot. So itu, badengar kalu di Bangkep so ada rapat babahas soal pagawe negeri yang ada takana kasus korupsi, termasuk soal depe sanksi sebagai pagawe, om susupo pikir ini luar biasa. Om susupo anggap, apa yang dibikinnya Bangkep, tantu parlu didukung. Memang pajabat yang so takana kasus korupsi, so musti diurus, supaya jang sampe itu panyakit atau virus korupsi, te bajangkit sambarangan sama orang-orang laen.
Apalagi ini virus korupsi kan biasa bakana sama pagawe yang ada depe jabatan penting, atau bapegang posisi yang bagus kon ada depe doi, atau orang-orang biasa babilang posisi basah. Kalu yang ada babikin korupsi kon so divonis, baru dikase biar bapegang jabatan, tantu deng gampang bakase jangkit depe kabiasaan sama yang laen. So itu, om susupo pikir, depe sumber panyakit itu musti dikarbas, supaya jang sampe bakase kana sama yang laen. Cuma mudah-mudahan juga, kalu ba karbas itu virus korupsi, jang cuma stengah-stengah, kon jang baku pilih. Sapa saja, kalu memang so tajangkit virus korupsi, lebeh bae dikarbas abis, supaya yang laen te mo bapikir ba ikot korupsi.**
Virus Korupsi
![Virus Korupsi]()
Reviewed by hRc
on
19.28.00
Rating:
Tidak ada komentar:
Terima Kasih sudah berkunjung..