Om susupo salut juga deng ini barapa anggota dewan termasuk depe pimpinan, yang rajin maso kantor kandati bulan puasa. Depe hebat lagi, skarang ini dorang pe jadwal juga banyak. Ada yang ba urus rakyat, ada yang ba urus soal pendapatan, ada yang baku urus deng soal rencana APBD Perubahan, ada yang babikin pansus, kunjungan baliat rakyat pe masalah deng kasibukan yang laen-laen. Cuma yang bikin heran om susupo, ada barapa anggota dewan juga yang rupa pamalas datang.
Yah memang masih lebeh banyak yang rajin datang, rajin baku temu deng rakyat kon bacarita soal banyak hal yang jadi dorang pe karja di dewan. Cuma so itu, ada juga yang so barapa minggu rupa te kaliatan depe batang idong. Padahal, om susupo biasa bamuncul-muncul pagi, siang atau sore, tapi rupa te babaliat ini barapa anggota dewan yang pamalas hadir.
Tapi yang lebeh bikin bingung, ini Badan Kehormatan yang kata-kata depe tugas, buat bajaga kehormatannya lembaga DPRD, eh te ditau apa yang dia bisa karja. Pe banyak anggota dewan yang te maso-maso karja, tapi ini Badan Kehormatan rupa tenang-tenang saja. Om susupo jadi bapikir, jang-jang memang soal anggota dewan pamalas maso karja, bukan urusannya Badan Kehormatan. Baru kalu so bagitu depe model, so sapa pe tugas yang mo batogoor anggota dewan yang pamalas hadir. Jang bilang ba urus urusannya rakyat, hele hadir saja pamalas.
Cuma yang om susupo masih yakin, biar ada yang pamalas hadir, so pasti dorang pe gaji te ada yang takurang. Mo rajin atau mo malas, so pasti depe pendapatan di dewan tatap sama. Om susupo juga yakin, biar pamalas hadir, kalu depe gaji barani dipotong, so pasti dorang itu marah basaar. Pasti dorang akan baperjuangkan depe hak-hak, supaya jang ada yang barani bakorek.
Cuma so itu, kalu soal hak memang samua rajin baku dusu akan. Tapi kalu soal hadir, soal ba ikot rapat, soal ba urus rakyat, ebee ada yang rupa so jarang kaliatan. Om susupo sampe curiga, jang-jang ada anggota dewan yang so lupa depe alamat kantor, sampe so te pernah muncul. Atau barangkali, ada yang so badapat pakarjaan baru, jadi pakarjaan jadi anggota dewan so dikase tinggal, yang penting depe gaji tatap muncul tiap awal bulan. Om susupo juga so abis akal, so te tau sapa yang kira-kira bisa batogoor ini anggota dewan yang so te tau depe kantor sandiri, kon so berminggu-minggu te kaliatan depe tanda-tanda di kantor. Yah, mustinya kalu bulan puasa, jadi bulan bakase bae diri deng pengabdian, bukan bulan yang babikin tatambah malas…**
Yah memang masih lebeh banyak yang rajin datang, rajin baku temu deng rakyat kon bacarita soal banyak hal yang jadi dorang pe karja di dewan. Cuma so itu, ada juga yang so barapa minggu rupa te kaliatan depe batang idong. Padahal, om susupo biasa bamuncul-muncul pagi, siang atau sore, tapi rupa te babaliat ini barapa anggota dewan yang pamalas hadir.
Tapi yang lebeh bikin bingung, ini Badan Kehormatan yang kata-kata depe tugas, buat bajaga kehormatannya lembaga DPRD, eh te ditau apa yang dia bisa karja. Pe banyak anggota dewan yang te maso-maso karja, tapi ini Badan Kehormatan rupa tenang-tenang saja. Om susupo jadi bapikir, jang-jang memang soal anggota dewan pamalas maso karja, bukan urusannya Badan Kehormatan. Baru kalu so bagitu depe model, so sapa pe tugas yang mo batogoor anggota dewan yang pamalas hadir. Jang bilang ba urus urusannya rakyat, hele hadir saja pamalas.
Cuma yang om susupo masih yakin, biar ada yang pamalas hadir, so pasti dorang pe gaji te ada yang takurang. Mo rajin atau mo malas, so pasti depe pendapatan di dewan tatap sama. Om susupo juga yakin, biar pamalas hadir, kalu depe gaji barani dipotong, so pasti dorang itu marah basaar. Pasti dorang akan baperjuangkan depe hak-hak, supaya jang ada yang barani bakorek.
Cuma so itu, kalu soal hak memang samua rajin baku dusu akan. Tapi kalu soal hadir, soal ba ikot rapat, soal ba urus rakyat, ebee ada yang rupa so jarang kaliatan. Om susupo sampe curiga, jang-jang ada anggota dewan yang so lupa depe alamat kantor, sampe so te pernah muncul. Atau barangkali, ada yang so badapat pakarjaan baru, jadi pakarjaan jadi anggota dewan so dikase tinggal, yang penting depe gaji tatap muncul tiap awal bulan. Om susupo juga so abis akal, so te tau sapa yang kira-kira bisa batogoor ini anggota dewan yang so te tau depe kantor sandiri, kon so berminggu-minggu te kaliatan depe tanda-tanda di kantor. Yah, mustinya kalu bulan puasa, jadi bulan bakase bae diri deng pengabdian, bukan bulan yang babikin tatambah malas…**
Ada Aleg Malas,Sapa Yang Bisa Togoor ?
![Ada Aleg Malas,Sapa Yang Bisa Togoor ?]()
Reviewed by hRc
on
18.54.00
Rating:
Tidak ada komentar:
Terima Kasih sudah berkunjung..