Om susupo ba anggap garaap juga ini pamarentah pe model. Dorang barani bilang melanggar atau illegal, tapi giliran mo bakase tindakan, rupa so jadi panakut. Yah, macam itu kasus batimbun pante di Maahas, te ada satu pajabat pamarentah yang bilang kalu itu kegiatan resmi kon ada depe izin. Tapi kalu soal tindakan, rupa kaliatan lebay…
Kamarin saja, om susupo badengar kalu ini BPN so babilang, te boleh batimbun laut deng alasan mo bakase pulang ukuran tanah supaya sama deng ukuran yang ada di sertifikat. Kalu tanah so kana abrasi laut, artinya BPN bilang itu tanah so ilang, kon so jadi miliknya negara. Ini Pemda juga so pernah bakase kaluar surat yang balarang itu batimbun laut. Baru kamarin lagi, Dinas Perhubungan so bakase tegas kalu itu kegiatan illegal. Cuma so itu, rupa abis di kata-kata saja. Depe tindakan, te kaliatan sampe skarang ini. Jang heran kalu ada anak-anak muda yang babikin protes, deng cara batimbun laut di Lalong.
Om susupo juga dengar, bukan cuma orang kacili yang pusing baliat itu soal batimbun laut di Maahas yang rupa te baku pusing deng pamarentah, te baku pusing deng aturan. Itu anggota dewan sampe depe pimpinan, juga so pusing baliat itu kajadian batimbun laut, kon skarang ini depe tanah so tatambah banyak. Ini Pol PP yang ada dilatih-latihnya pamarentah, kira-kira mo dibikin apa, kon te dikase turun samua. Memang kalu cuma mo kase turun sadikit, biasa blum talalo barani, apalagi kalu baliat ada kelompok laen. Tapi kalu so kase turun samua, masa masih ada yang mo barani.
Om susupo pikir-pikir, barangkali memang ini yang batimbun laut jago skali, sampe te ada yang bisa balarang, Atau jang-jang ada yang memang balindungi, tagal itu dia jadi barani batimbun laut.
Om susupo juga kuatir, ini proyek jalan baru yang ada balewat akan pante dari Simpong ka Maahas, mo baku ikot akan deng maunya pengusaha, bukan baku ikot akan deng gambar yang so dirancangnya pamarentah. Atau bisa jadi juga, gambar so baku ikot deng maunya pengusaha. Maklum, itu jalan kan mo balewat akan pante yang ada ditimbun, kon dengar-dengar, salah satu kontraktor yang baku ikot tender itu jalan, so itu yang ada batimbun laut juga. Cuma om susupo juga mo kase ingat, kalu memang so ada yang bakase izin batimbun laut, atau itu batimbun pante memang so te jadi masalah, lebeh bae kase tau sama masyarakat, supaya yang te ada tanah, barangkali bisa baku kapling pante…Karna sampe skarang ini, hele om susupo saja te ada tanah, jadi pusing mo babikin pondok dimana…**
Kamarin saja, om susupo badengar kalu ini BPN so babilang, te boleh batimbun laut deng alasan mo bakase pulang ukuran tanah supaya sama deng ukuran yang ada di sertifikat. Kalu tanah so kana abrasi laut, artinya BPN bilang itu tanah so ilang, kon so jadi miliknya negara. Ini Pemda juga so pernah bakase kaluar surat yang balarang itu batimbun laut. Baru kamarin lagi, Dinas Perhubungan so bakase tegas kalu itu kegiatan illegal. Cuma so itu, rupa abis di kata-kata saja. Depe tindakan, te kaliatan sampe skarang ini. Jang heran kalu ada anak-anak muda yang babikin protes, deng cara batimbun laut di Lalong.
Om susupo juga dengar, bukan cuma orang kacili yang pusing baliat itu soal batimbun laut di Maahas yang rupa te baku pusing deng pamarentah, te baku pusing deng aturan. Itu anggota dewan sampe depe pimpinan, juga so pusing baliat itu kajadian batimbun laut, kon skarang ini depe tanah so tatambah banyak. Ini Pol PP yang ada dilatih-latihnya pamarentah, kira-kira mo dibikin apa, kon te dikase turun samua. Memang kalu cuma mo kase turun sadikit, biasa blum talalo barani, apalagi kalu baliat ada kelompok laen. Tapi kalu so kase turun samua, masa masih ada yang mo barani.
Om susupo pikir-pikir, barangkali memang ini yang batimbun laut jago skali, sampe te ada yang bisa balarang, Atau jang-jang ada yang memang balindungi, tagal itu dia jadi barani batimbun laut.
Om susupo juga kuatir, ini proyek jalan baru yang ada balewat akan pante dari Simpong ka Maahas, mo baku ikot akan deng maunya pengusaha, bukan baku ikot akan deng gambar yang so dirancangnya pamarentah. Atau bisa jadi juga, gambar so baku ikot deng maunya pengusaha. Maklum, itu jalan kan mo balewat akan pante yang ada ditimbun, kon dengar-dengar, salah satu kontraktor yang baku ikot tender itu jalan, so itu yang ada batimbun laut juga. Cuma om susupo juga mo kase ingat, kalu memang so ada yang bakase izin batimbun laut, atau itu batimbun pante memang so te jadi masalah, lebeh bae kase tau sama masyarakat, supaya yang te ada tanah, barangkali bisa baku kapling pante…Karna sampe skarang ini, hele om susupo saja te ada tanah, jadi pusing mo babikin pondok dimana…**
Ilegal, Tapi Dikase Biar
![Ilegal, Tapi Dikase Biar]()
Reviewed by hRc
on
18.55.00
Rating:
Tidak ada komentar:
Terima Kasih sudah berkunjung..