Om susupo takaget juga waktu baliat unjuk rasa kamarin, karna te sama deng yang biasa kaliatan. Kamarin itu, karna yang bademo sopirnya oto toronton yang pe basaar skali, sampe so jadi perhatiannya samua orang yang ada baliat. Apalagi itu sopir toronton sampe babakase bunyi dorang pe kalakson yang pe basaar parsis bunyinya kapal yang mo maso di palabuhan rakyat.
Yah, yang lebeh bikin takaget, ternyata ini pamarentah deng polisi bisa barubah juga dorang pe aturan. Kandati so ada rambu tanda larangan tapasang di dekat pompa bensin Simpong, eh akhirnya polisi so kase izin ini toronton supaya lewat dari Simpong ka Jole di jalan yang sebenarnya so jadi satu arah. Ini politisi di kantor dewan ternyata satu pikiran deng ini pendemo, karna memang itu aturan jalan satu arah, bisa babikin kalangkabut ini oto yang basaar skali rupa toronton, karna oto basaar te mungkin bisa balewat di kalapa dua yang depe jalan pe sempit skali.
Om susupo pikir, ini pamarentah deng polisi, laen kali memang musti bapikir panjang dulu, sebelum mo babikin aturan macam jalan satu arah. Memang depe tujuan bagus supaya te ada lagi macet, karna samua kendaraan so bajalan satu arah, jadi so te ada yang baku-baku temu atau baputar haluan ditengah jalan. Mustinya, sebelum babikin aturan soal jalan satu arah itu, musti dikase sadia dulu jalan alternatif yang memang pantas kon kuat, supaya te ada yang jadi kalangkabut. Ini toronton kan parlu kasana kamari juga, bukan cuma buat bamuat kontener, tapi juga bamuat sagala rupa alat berat. Kalu dorang pe waktu bajalan musti mo baku tunggu nanti jam sambilan malam, karna itu jalur satu arah di Simpong nanti bisa berubah jam sambilan malam, tantu so bikin kalangkabut ini sopir toronton yang mustinya bakarja dari pagi sampe malam.
Om susupo pikir-pikir, so disini perannya ini pajabat pamarentah, supaya bapikir akan dulu urusannya rakyat, macam pasar deng jalan, supaya jang kalangkabut ini kota. Daripada cuma mo kasana-kamari deng sagala rupa alasan, mulai dari ba ikot bimbingan teknis, diklat, kursus sampe seminar deng pertemuan deng sagala rupa pajabat pusat, kan lebeh bae fokus baurus dulu ini rakyat pe kapantingan. Jang sampe, ini patugas di lapangan yang kasian kalangkabut. Dorang disuruh-suruh ba urus ini soal jalan dalam kota yang macet, tapi ini jalan deng jambatan yang bagus, te capat dibikin. Bagitu juga deng bangunan pasar te capat dibikin, akhirnya itu jalan alternatif tatap jadi tampat bajual. Daripada bapikir mo bikin kantor, mo bili oto dinas, mo pikir studi banding, kon daripada pe banyak doi tapake buat makan deng minum sampe lemburnya pagawe, kan lebeh bae fokus babangun dulu pasar deng jalan, supaya te ada rakyat yang kalangkabut, kon te ada patugas polisi deng LLAJR yang jadi pusing karna dorang pe program te bajalan lancar. Atau mosia tatu ???...**
Yah, yang lebeh bikin takaget, ternyata ini pamarentah deng polisi bisa barubah juga dorang pe aturan. Kandati so ada rambu tanda larangan tapasang di dekat pompa bensin Simpong, eh akhirnya polisi so kase izin ini toronton supaya lewat dari Simpong ka Jole di jalan yang sebenarnya so jadi satu arah. Ini politisi di kantor dewan ternyata satu pikiran deng ini pendemo, karna memang itu aturan jalan satu arah, bisa babikin kalangkabut ini oto yang basaar skali rupa toronton, karna oto basaar te mungkin bisa balewat di kalapa dua yang depe jalan pe sempit skali.
Om susupo pikir, ini pamarentah deng polisi, laen kali memang musti bapikir panjang dulu, sebelum mo babikin aturan macam jalan satu arah. Memang depe tujuan bagus supaya te ada lagi macet, karna samua kendaraan so bajalan satu arah, jadi so te ada yang baku-baku temu atau baputar haluan ditengah jalan. Mustinya, sebelum babikin aturan soal jalan satu arah itu, musti dikase sadia dulu jalan alternatif yang memang pantas kon kuat, supaya te ada yang jadi kalangkabut. Ini toronton kan parlu kasana kamari juga, bukan cuma buat bamuat kontener, tapi juga bamuat sagala rupa alat berat. Kalu dorang pe waktu bajalan musti mo baku tunggu nanti jam sambilan malam, karna itu jalur satu arah di Simpong nanti bisa berubah jam sambilan malam, tantu so bikin kalangkabut ini sopir toronton yang mustinya bakarja dari pagi sampe malam.
Om susupo pikir-pikir, so disini perannya ini pajabat pamarentah, supaya bapikir akan dulu urusannya rakyat, macam pasar deng jalan, supaya jang kalangkabut ini kota. Daripada cuma mo kasana-kamari deng sagala rupa alasan, mulai dari ba ikot bimbingan teknis, diklat, kursus sampe seminar deng pertemuan deng sagala rupa pajabat pusat, kan lebeh bae fokus baurus dulu ini rakyat pe kapantingan. Jang sampe, ini patugas di lapangan yang kasian kalangkabut. Dorang disuruh-suruh ba urus ini soal jalan dalam kota yang macet, tapi ini jalan deng jambatan yang bagus, te capat dibikin. Bagitu juga deng bangunan pasar te capat dibikin, akhirnya itu jalan alternatif tatap jadi tampat bajual. Daripada bapikir mo bikin kantor, mo bili oto dinas, mo pikir studi banding, kon daripada pe banyak doi tapake buat makan deng minum sampe lemburnya pagawe, kan lebeh bae fokus babangun dulu pasar deng jalan, supaya te ada rakyat yang kalangkabut, kon te ada patugas polisi deng LLAJR yang jadi pusing karna dorang pe program te bajalan lancar. Atau mosia tatu ???...**
Urus Rakyat Dulu
![Urus Rakyat Dulu]()
Reviewed by hRc
on
03.45.00
Rating:
Tidak ada komentar:
Terima Kasih sudah berkunjung..