Barapa hari ini, om susupo pusing badengar ini isu soal pongko. Om susupo bukan pambarani kon mo baku lawan deng itu pongko, cuma bukan berarti juga mo tako skali. Tagal itu, yang bikin om susupo pusing, babadengar ini soal isu yang so talalo kancang, sampe-sampe so ada kabar yang babilang, itu pongko so kakaliatan di banyak tampat. Kon depe garaap skali, itu isu ada taputar di tengah kota yang minta ampun depe rame bagini.
Om susupo babayangkan, kalu memang itu pongko ada bakeliaran di Luwuk, tantu depe jago minta ampun. Bayangkan, di tengah kota yang pe rame bagini, kon pongko ada ba aksi akan. Lebeh hebat lagi, depe aksi te baku pusing deng soal waktu. Tadi malam saja, ada isu pongko di kilo satu yang dorang bilang ada kaliatan blum jam lapan. Ini tantu luar biasa, masih pe rame skali, kon so ada pongko yang barani kasana kamari.
Kalu yang om susupo dengar-dengar dari orang kampong, yang namanya pongko kan ilmu setan, jadi depe tampat muncul biasa ditampat yang pe galap.
Om susupo pikir, ini tokoh agama so musti bicara sama-sama deng pamarentah baru patugas keamanan. Karna ini isu kan so bikin resah, kandati blum jelas sapa yang ada badengar depe suara deng depe wujud. Om susupo kuatir, karna so pe banyak yang resah, sabantar so ada yang baku-baku tuduh sambarangan, kon lebeh parah lagi kalu sampe ada yang main hakim sandiri.
Ini tokoh agama, pamarentah deng patugas keamanan, te bisa badiam akan ini isu, karna so pe banyak orang yang jadi resah deng kalangkabut. Tantu ini tokoh agama, pamarentah deng patugas keamanan, bukan mo bahas itu ilmu pongko, tapi yang diurus, bagimana supaya ini orang kota Luwuk, te sambarangan baku-baku tuduh, jang sampe ada yang jadi korban. Kan garaap juga, ini kota yang orang bilang macam Hongkong kalu diliat dari keles lantaran depe rame deng depe taraang, baru pongko mo lalulalang akan. Pamarentah, patugas keamanan deng itu tokoh agama, mustinya bakase bimbingan sama ini orang kota samua, supaya mulai bapikir ulang deng jernih, supaya jang nanti ada yang jadi korban gara-gara isu pongko, baru mo manyasal.**
Om susupo babayangkan, kalu memang itu pongko ada bakeliaran di Luwuk, tantu depe jago minta ampun. Bayangkan, di tengah kota yang pe rame bagini, kon pongko ada ba aksi akan. Lebeh hebat lagi, depe aksi te baku pusing deng soal waktu. Tadi malam saja, ada isu pongko di kilo satu yang dorang bilang ada kaliatan blum jam lapan. Ini tantu luar biasa, masih pe rame skali, kon so ada pongko yang barani kasana kamari.
Kalu yang om susupo dengar-dengar dari orang kampong, yang namanya pongko kan ilmu setan, jadi depe tampat muncul biasa ditampat yang pe galap.
Om susupo pikir, ini tokoh agama so musti bicara sama-sama deng pamarentah baru patugas keamanan. Karna ini isu kan so bikin resah, kandati blum jelas sapa yang ada badengar depe suara deng depe wujud. Om susupo kuatir, karna so pe banyak yang resah, sabantar so ada yang baku-baku tuduh sambarangan, kon lebeh parah lagi kalu sampe ada yang main hakim sandiri.
Ini tokoh agama, pamarentah deng patugas keamanan, te bisa badiam akan ini isu, karna so pe banyak orang yang jadi resah deng kalangkabut. Tantu ini tokoh agama, pamarentah deng patugas keamanan, bukan mo bahas itu ilmu pongko, tapi yang diurus, bagimana supaya ini orang kota Luwuk, te sambarangan baku-baku tuduh, jang sampe ada yang jadi korban. Kan garaap juga, ini kota yang orang bilang macam Hongkong kalu diliat dari keles lantaran depe rame deng depe taraang, baru pongko mo lalulalang akan. Pamarentah, patugas keamanan deng itu tokoh agama, mustinya bakase bimbingan sama ini orang kota samua, supaya mulai bapikir ulang deng jernih, supaya jang nanti ada yang jadi korban gara-gara isu pongko, baru mo manyasal.**
So kanapa deng ini kota ?
![So kanapa deng ini kota ?]()
Reviewed by hRc
on
21.23.00
Rating:
Tidak ada komentar:
Terima Kasih sudah berkunjung..